Retningsliner - stipend
Ryfylke IKS koordinerer MOR-arbeidet saman med Sauda og Strand vidaregåande skular og Rogaland fylkeskommune. MOR (motivasjon, opplæring og rettleiing) har som mål å styrkja fokuset på livslang læring i Ryfylke. Mellom anna ved å tilby fleksible og desentraliserte kurs og utdanningar i Ryfylke i tillegg til å gje råd, motivera og leggje til rette for opplæringstilbod til folk og arbeidsliv i regionen.
Dei neste tre åra skal me dela ut seks stipend (to kvart år) til personar som ynskjer å ta mastergrad.
Måla for kompetansehevinga:
Du ønskjer å ta ein mastergrad og om du vil samarbeida med oss om å få fram ny kunnskap om forhold som kan styrkje næringsliv og offentleg sektor i Ryfylke kan du søkje. Me har som mål at arbeidet ditt skal bidra til ny kunnskap og tar for seg problemstillingar innanfor eit eller fleire område som vist under:
· Å bidra til utvikling i ei eller fleire av dei sentrale næringane i Ryfylke innan kraftproduksjon, bergverk, havbruk, landbruk eller prosessindustri
· Gjennom samskaping og breie tverr-/fleirfaglege samarbeid styrkje dei offentlege tenestene for folk som bur i Ryfylke
· Å styrkja fagmiljøet for dei som arbeider med karriererettleiing med sikte på å samprodusera om løysingar til beste for brukaren og arbeidslivet.
· Å bidra til å byggja faglege nettverk på tvers av næringar/sektorar, for fagleg utvikling, nyskaping og innovasjon.
Kven kan søkja og kva er vilkåra for å bli vurdert?
• Du tar ei masterutdanning og vil skriva ei masteroppgåve som er relevant for Ryfylke jamfør punkta over.
• Har du ein arbeidsgjevaren bør han gje deg fri med løn til å følgja undervisinga og gjennomføra eksamenar.
• Stipendet blir berre utbetalt om du fullfører studiet.
• Har du alt starta på utdanninga, kan du òg søkja om stipendet.
Søknadsfrist:
Innan den 01.02.2023 sender du oss ein skriftleg søknad der du gjer greie for bakgrunn og kva målet ditt er med å ta utdanninga. Har du tankar om kva du vil skrive master innan er det fint om du gjer greie for dette.
Søknaden sender du til mor@ryfylkeiks.no