Vil du skriva masteroppgåve om eit tema som kan styrkja næringsliv eller offentleg sektor i Ryfylke, er du velkommen til å søkja. I 2024 delar me ut 2 stk stipend på kr. 100 000.
Målet er at masteroppgåva skal bidra til ny kunnskap og ta for seg problemstillingar innanfor eit eller fleire av områda som vist under:
• Å bidra til utvikling i ei eller fleire av dei sentrale næringane i Ryfylke innan kraftproduksjon, bergverk, havbruk, landbruk eller prosessindustri.
• Gjennom samskaping og breie tverr-/fleirfaglege samarbeid styrkja dei offentlege tenestene for folk som bur i Ryfylke.
• Å styrkja fagmiljøet for dei som arbeider med karriererettleiing med sikte på å samprodusera om løysingar til beste for brukaren og arbeidslivet.
• Å bidra til å byggja faglege nettverk på tvers av næringar/sektorar, for fagleg utvikling, nyskaping og innovasjon.
• Du tar ei masterutdanning og vil skriva ei masteroppgåve som er relevant for Ryfylke jamfør punkta over.
• Stipendet blir berre utbetalt om du fullfører studiet.
• Har du alt starta på utdanninga, kan du òg søkja om stipendet.
Frist for å søkja stipend er 15.desember 2023. Send ein skriftleg søknad der du gjer greie for bakgrunn og kva målet ditt er med å ta utdanninga. Har du tankar om kva du vil skrive master innan er det fint om du gjer greie for dette.
Søknaden sender du til: mor@ryfylkeiks.no
Ryfylke IKS delar ut mastergradstipendet.